Dat Oostfräisk Instituut ferwiidert siin digitóóel anbooden um ‘n undskäidend baaustäin föör däi erhold un däi gebruuk fan ‘t Oostfräisk Plat: Mit Oostfräisk TTS ferskint ‘n köstenlöes, ki-bóósäärt spróókuutgóóev, däi skreeven teksten up knoopdrük klor un düüdelk föörleesen daajt.

Wiilst grôot tóólmodellen mäist bloot weerldtóólen stöönen daunt, slut’t dit projekt ‘n wichtiğ lüek föör us oostfräisk minnerhaidstóól. Trainäärt mit däi stemmen fan us projektmitaarbaiders sülst, fangt dat süsteem däi tüüpsk klang fan ‘t Oostfräisk wies gaud in. Däi spróókuutgóóev word’t direkt in däi bestóónd online-ooversetter unner oostfraeisk.org/translator integräärt. Um dat ferbräiden fan däi tóól in d’ digitóóel ruum wiider t’ föördern, word’t dat grundliegend model buutendeem Open Source beräidstelt. D’r döör köönent ook ekstêern undwiklers däi spróókuutgóóev in äigen apps, leerplatföörms of föörleesfunksjoonen föör websiiden inbinnen.

Besünners föör tóólleerenden, biljeerenfreihaid (t. b. föör minsken mit säibehinnern) un dat aldóógelk gebruuk fan ‘t Oostfräisk büd’t dat süsteem näej möögelkkaiden. Dat offisjäel föörstellen fan däi spróókuutgóóev sal up d’ 13. september teegen 11:30 üer in ‘t weertshuus Kuukelurum in Auerk-Róó statfinnen. Nóóst ‘n live-demonstróósjoon sal ‘n inkiik in dat technisk undwikkeln geeven. Präesfertreeders as ook âal interessäärten bünt fan haarten nöyğt, an däi presentóósjoon däil t’ neemen un fróógen an ‘t undwiklerteam t’ stellen.

‘N lütje teaser gift dat al móól hir: